१७ मंसिर २०७८, शुक्रबार
December 3, 2021, Friday

कक्षा १० मा पढ्दैछिन करिष्मा

कक्षा १० मा पढ्दैछिन करिष्मा

नायिका करिश्मा मानन्धर निर्देशक बन्ने खबर सार्वजनिक भएको धेरै भैसक्यो । करिश्माले चलचित्र निर्देशनका लागि कथा पनि हेरिरहेको खबर सार्वजनिक भएका थिए । तर, करिश्माले अझै पनि नायक राजेश हमालले जस्तै चलचित्र निर्देशन सुरु गर्न सकेकी छैनन् ।

करिश्मा आफैले आफ्नो निर्देशनमा बन्ने चलचित्रबाट छोरी कविता मानन्धरलाई यो क्षेत्रमा डेब्यू गराउने बताएकी थिइन् । तर, करिश्माले चलचित्र निर्देशन गर्न ढिलाई गरेपछि कविता नायक शिव श्रेष्ठको निर्माणमा बनिरहेको चलचित्र ‘एउटा यस्तो प्रेम कहानी’बाट डेब्यू गर्दैछिन् ।

आखिर किन अधुरै रह्यो त करिश्माको यो काम ? नायिका करिश्मा मानन्धरले पत्रकारहरुसँग भनिन्-‘अहिले म विद्यालयमा पढिरहेको छु । यसैले, एसइइको परिक्षा नसकेसम्म फुर्सद नै नमिल्ने रहेछ । अब, एसइइको परिक्षा दिएपछि म त्या प्रोजेक्टलाई अगाडि बढाउँछु ।’
उनले आफू अरु सबै कुरा बिर्सेर पढाईमा फोकस गरिरहेको पनि बताएकी छिन् ।

‘१-२ दिन विद्यालय नजाँदा पनि धेरै पाठ छुट्छ र कभर गर्न गाह्रो हुन्छ, त्यसैले मलाई निम्ता आउने धेरै ठाउँमा गएकी छैन,’ उनले भनिन् ।
आफूले एसईईपछि गर्ने प्रोजेक्ट छोरी कविताका लागि सुरक्षित रहेको समेत करिश्मानले बताइन् । उनले भनिन्-‘म कवुलाई मेरै चलचित्रबाट डेब्यू गराउने सोचमा थिएँ । तर, शिव दाइले प्रस्ताव गरेपछि नाई भन्न सकिनँ ।’

करिश्मा अहिले मैतीदेवीस्थित त्रिवेणी स्कुलमा कक्षा १० मा पढिरेहकी छिन् । उनी ८कक्षामा अध्ययनरत हुँदा पढाई छोडेर फिल्ममा होमिएकी थिइन् । राजनीतिमा लागेपछि पढाईको अभाव महसुस भएर उनी विद्यालय भर्ना भएकी हुन् । उनको भविष्यमा पीएचडी गर्ने धोको छ ।

Onlinekhabar

Related News

सिनेमाघर खुले संगै सञ्चालकलाई हल नवीकरण शुल्क छुट
सिनेमाघर खुले संगै सञ्चालकलाई हल नवीकरण शुल्क छुट
  • २ जेष्ठ २०७५, बुधबार

सिनेमा हल सञ्चालकलाई नवीकरण शुल्क छुट दिने मन्त्रिपरिषद् बैठकले निर्णय गरेको छ । सरकारले सिनेमा हल सञ्चालकलाई नवीकरण शुल्क छुट...

पोखरामा विद्यालय नाटक महोत्सवको तयारी
पोखरामा विद्यालय नाटक महोत्सवको तयारी
  • २ जेष्ठ २०७५, बुधबार

गण्डकी प्रदेशस्तरीय विद्यालय नाटक महोत्सवको दोश्रो संस्करण हुने भएको छ। आगामी माघ ११ देखि १५ गतेसम्म पोखरा थिएटरको गन्धर्व नाटकघरमा...

प्रेमगीत ३ र कठपुतलीले पनि तोके रिलिज मिति
प्रेमगीत ३ र कठपुतलीले पनि तोके रिलिज मिति
  • २ जेष्ठ २०७५, बुधबार

बिदेशी सिनेमाले नेपाली हलमा राम्रो ब्यापार गर्न थालेपछि नेपाली चलचित्रका निर्माताहरुले आफ्नो फिल्म रिलिजको लागि धमाधम घोषणा गर्न थालेका छन्...

TOP