९ बैशाख २०७८, बिहीबार
April 22, 2021, Thursday

फिल्म प्रचारका लागि रथमा शहर घुमिन् प्रियंका

फिल्म प्रचारका लागि रथमा शहर घुमिन् प्रियंका

नेपाली चलचित्रका निर्माताहरुले चलचित्र प्रचारका लागि विभिन्न उपाय अपनाइरहेका छन् । कहिले पिज्जा डेलिभर गर्दै फ्यानको घरमा पुग्ने त कहिले विभिन्न स्थानमा कन्सर्ट गर्ने । नयाँ-नयाँ उपायले चलचित्रको प्रचारमा फाइदा पनि मिलिरहेको छ ।

यसैक्रममा, चलचित्र ‘ह्याप्पी डेज’को यूनिटले चलचित्र प्रचारका लागि नयाँ शैली अपनाइएको छ । चलचित्र प्रचारका लागि ललितपुरको लखनखेलबाट ‘रथ यात्रा’ गरिएको छ । लखनखेलबाट सुरु भएको ‘रथ यात्रा’मा नायिका प्रियंका कार्की र नायक संजय गुप्ता सहभागी थिए । उनीहरुले, चलचित्रको नाम लेखिएको टिसर्ट लगाएका थिए । लखनखेलबाट सुरु भएको ‘रथ यात्रा’ भृकुटीमण्डपमा आएर समापन भएको थियो । उपस्थित पत्रकारहरुसँग कुरा गर्दै नायिका प्रियंका कार्कीले यो शैलीले चलचित्रलाई फाइदा पुग्ने बताइन् ।

उनले भनिन्-‘मेरा घोडासँग छुट्टै लगाव छ । चलचित्रको छायांकनको क्रममा पनि म घोडासँग गफ गर्थे ।’ उनले, प्रेमकथामा यो चलचित्र बनेको भन्दै अगाडि थपिन्-‘विदेशमा बस्ने नेपालीहरुको कथालाई यो चलचित्रले उठान गरेको छ ।’ निर्देशक मिलन चाम्सले यो प्रचारको शैलीले चलचित्रलाई फाइदा पुग्ने बताए । यस्तै, चलचित्रका नायक संजय गुप्ताले ‘ह्याप्पी डेज’ले सबैलाई खुशी बनाउने बताए ।

वैशाख १४ गतेबाट रिलिज हुन लागेको यो चलचित्रमा नायक दयाहाङ राइको पनि मुख्य भूमिका छ । बेलायतका रमणिय लोकेशनमा यो चलचित्र खिचिएको छ । चलचित्रलाई वीपी खनाल, भवानी शर्मा, हिराल जोशी र मिलन चाम्सले निर्माण गरेका हुन् ।

onlinekhabar

 

Related News

यसपालीको चलचित्र बिकास वोर्डकी अब्बल आवेदक
यसपालीको चलचित्र बिकास वोर्डकी अब्बल आवेदक
  • १० बैशाख २०७५, सोमबार

यस पटक सञ्चार तथा सूचना प्रविधी मन्त्रालयले २०७७।०१।१६ गतै १५ दिनको म्याद राखि रिक्त रहेको अध्यक्ष पदको लागि आवेदन माग...

विकासबादी संगीतको चोथौ आयाम गीतांगको मीठो पानी
विकासबादी संगीतको चोथौ आयाम गीतांगको मीठो पानी
  • १० बैशाख २०७५, सोमबार

विकासबादी साहित्य प्रतिस्ठानको प्रस्तुतिमा विकासबादी संगीतका अभियानता गायक द्रोण पराजुलीले आफ्नो मातुभूमि प्रति समर्पण गर्दै नयाँ गीत आफ्नो च्यानल मार्फत...

नेशनल पावर न्युज म्युजिक अवार्ड २०२० को मनोनयन सार्वजनिक
नेशनल पावर न्युज म्युजिक अवार्ड २०२० को मनोनयन सार्वजनिक
  • १० बैशाख २०७५, सोमबार

काठमाण्डौ – नेपालको पहिलो समावेशी अवार्ड नेशनल पावर न्युज म्युजिक अवार्ड २०२० को मनोनयन सार्वजनिक गरिएको छ । पावर ईन्टरनेशनल...

TOP