२ कार्तिक २०७८, मंगलवार
October 19, 2021, Tuesday

जबरजस्ती लाइक गर्न लगाउने पोस्टहरु फेसबुकले हटाइदिने

जबरजस्ती लाइक गर्न लगाउने पोस्टहरु फेसबुकले हटाइदिने

फेसबुकले जबरजस्ती लाइक, शेयर वा कमेन्ट गर्न लगाउने खालका साइट र तस्बिरहरुलाई अबदेखि हटाउने बताएको छ ।

मानिसहरुको ध्यान केन्द्रित गराउन ‘यसलाई लाइक गर्दा २४ घन्टामै राम्रो खबर पाइन्छ’, ‘यी भगवान्को दर्शन गर्न एक शेयर वा यस्तो कमेन्ट गर्नुहोस्’ जस्ता पोस्टहरुलाई फेसबुकले हटाउने निर्णय गरेको बताएको छ ।

यस्ता पोस्टहरुले फेसबुकको दुरुपयोग भन्दै हटाइदिने तयारी गरेको अन्तर्राष्ट्रिय सञ्चारमाध्यमले जनाएका छन् ।

साथै धेरै प्रयोगकर्ताले पनि यससम्बन्धी गुनासो गरिरहेकाले यस्ता पोस्टलाई हटाउने निर्णय गरेको बताएको छ । त्यसैले सोमबारदेखि नै न्युज फिडबाट यस्ता किसिमका पोस्टलाई नदेखिनेगरी तल राखिने बताइएको छ । यति गर्दा पनि उनीहरुले लाइक, कमेन्ट र शेयर पाउन यस्तो तरिका अपनाएमा फेसबुकले तिनीहरुमाथि प्रतिबन्ध नै लगाइदिने चेतावनी दिइसकेको छ ।

यसबाहेक कतिपय पोस्टहरुले प्रयोगकर्तालाई विज्ञापनले भरिएका लिङ्कतर्फ लैजाने गरेकामा फेसबुकले गतसाता यस्ता पोस्टहरु राख्नमा निषेध गरिदिएको थियो । तर फेसबुकले यस्ता अनावश्यक सामग्रीलाई हटाउन गरिरहेको विभिन्न प्रयास कत्तिको फाइदाजनक साबित भइरहेको छ भन्नेबारे परिणाम आउन बाँकी नै छ ।

तर पनि फेसबुक प्रयोगकर्ताले कस्तो पोस्ट हेर्न पाउने वा नपाउने भन्नेमा फेसबुकको पूर्ण नियन्त्रण हुने भएकाले उनीहरुले अपनाएको यो तरिकाले त्यस्ता सामग्रीलाई धेरै कम गराउने अनुमान गरिएको छ । फेसबुकलाई सुरक्षित र अनावश्यक सामग्रीरहित बनाउन हालमा थुप्रै परिवर्तनहरु गरिएका छन् ।

Related News

गायक द्रोण पराजुलीको विकासबादी संगीतको नयाँधार यस्तो छ,    लिरिकल भिडियो सहित, आउ प्रिय
गायक द्रोण पराजुलीको विकासबादी संगीतको नयाँधार यस्तो छ, लिरिकल भिडियो सहित, आउ प्रिय
  • ६ पुष २०७४, बिहीबार

सूचना प्रविधिको विकासमा करिव एक दशकदेखि सक्रिय सामाजिक अभियानता द्रोण पराजुलीले विकासबादी साहित्य प्रतिस्ठान मार्फत् विकासबादी संगीतको स्वाद ध्येय बोकेको...

अमेरिकी कंग्रेसमा गुगल प्रमुखलाई प्रश्नको बर्षा– ‘गुगलमा ‘इडियट’ सर्च गर्दा ट्रम्पको फोटो किन आउँछ ?’
अमेरिकी कंग्रेसमा गुगल प्रमुखलाई प्रश्नको बर्षा– ‘गुगलमा ‘इडियट’ सर्च गर्दा ट्रम्पको फोटो किन आउँछ ?’
  • ६ पुष २०७४, बिहीबार

एजेन्सी– गुगलको सर्च अल्गोरिदमले कसरी काम गर्छ भनेर बुझ्ने प्रयासमा एक डेमोक्रेटिक सांसदले उक्त कम्पनीका सीईओलाई एक साधरण प्रश्न सोधिन्,‘यदि...

स्मार्टफोनको स्टोरेज खाली गर्ने ५ टिप्स
स्मार्टफोनको स्टोरेज खाली गर्ने ५ टिप्स
  • ६ पुष २०७४, बिहीबार

आफ्नो स्मार्टफोनमा ‘स्टोरेज फुल’ भएको नोटिफिकेसन आउँदा आफ्नो फोनको स्टोरेज केले भरियो भन्ने कुरा हामी पत्तो पाइरहेकै हुँदैनौँ । मोबाइलमा...

TOP