२ कार्तिक २०७८, मंगलवार
October 19, 2021, Tuesday

सबैभन्दा धेरै नाफा कमाएका विश्वका १० स्मार्टफोन

सबैभन्दा धेरै नाफा कमाएका विश्वका १० स्मार्टफोन

नियाँमा सबैभन्दा धेरै मुनाफा कमाउने स्मार्टफोन कुन कुन हुन् ? सायद यो चासो धेरैको हुनसक्दछ । रिसर्च कम्पनी काउन्टरप्वाइन्टले सन् २०१७ को चौथो त्रैमासिकको तथ्यांकको आधारमा विश्वमा सबैभन्दा धेरै मुनाफा कमाउने १० स्मार्टफोनको सूची तयार पारेको छ । यी १० स्मार्टफोनले विश्वमा उक्त अवधिमा कुल बिक्री भएका स्मार्टफोनको ९० प्रतिशत हिस्सा ओगटेका छन् ।

यी हुन् उक्त तिन महिनामा विश्वमा सबैभन्दा धेरै मुनाफा कमाउने १० स्मार्टफोन:

१. एप्पल आइफोन एक्स: एप्पलको आइफोन एक्स विश्वमा सबैभन्दा धेरै कमाई गर्ने स्मार्टफोन हो । रिपोर्ट अनुसार यस अवधिमा आइफोन एक्सले स्मार्टफोन उद्योगमा स्मार्टफोन बिक्रिबाट हुने कूल फाइदाको ३५ प्रतिशत योगदान दिएको छ । आइफोन एक्सको योगदान यस अर्थमा पनि महत्वपूर्ण छ कि सन् २०१७ को चौथो त्रैमासिकको अन्तिम दुई महिनाबाट मात्र यो मोडल बजारमा उपलब्ध थियो । अर्थात् सार्वजनिक भएको दुई महिनामै यसले सबैभन्दा धेरै नाफा कमाउने स्मार्टफोनको रुपमा आफुलाई उभ्याउन सफल भएको छ ।

२. आइफोन एटः यो सूचिमा अर्को नाम हो आइफोन एट । स्मार्टफोन उद्योगमा स्मार्टफोनबाट हुने कूल मुनाफामा १९.१ प्रतिशत हिस्सा यसको रहेको छ । गत वर्ष आइफोन एक्स र एट प्लससँगै आइफोन एट सार्वजनिक भएको थियो ।

३. आइफोन एट प्लसः तेश्रो नम्बरमा आइफोन एट प्लस रहेको छ । स्मार्टफोन उद्योगमा भएको कूल मुनाफामा यसको हिस्सा १५.२ प्रतिशत रहेको छ ।

४. आइफोन सेभेनः चौथो नम्बर पनि एप्पलले नै कब्जा गर्ने क्रममा आइफोन सेभेन रहेको छ । सन् २०१६ मा लञ्च भएको आइफोन सेभेनले स्मार्टफोन उद्योगको कूल मुनाफाको ६.२ प्रतिशत हिस्सा ओगटेको छ ।

५. आइफोन सेभेन प्लसः ठूलो स्क्रिनवाला यो फोन सन् २०१७ को चौथो त्रैमासिकको तथ्यांकमा सबैभन्दा मुनाफा कमाउन सफल पाँचौ स्मार्टफोन बनेको छ । दुई वर्षभन्दा धेरै पूरानो भएपनि यो स्मार्टफोनले कूल मुनाफाको ५ प्रतिशत हिस्सेदार ओगटेको छ ।

६. सामसुंग ग्यालेक्सी नोट एटः स्मार्टफोन उद्योगको कूल मुनाफामा हिस्सेदारीको हिसाबले सामसुंगको ग्यालेक्सी नोट एट छेटौँ नम्बरमा रहेको छ । यसको हिस्सा ३.९ प्रतिशत रहेको छ ।

७. आइफोन सिक्सः विश्वको सातौँ सर्वाधिक मुनाफा कमाउने स्मार्टफोन एप्पलको आइफोन सिक्स रहेको छ । ४ वर्षअघि लञ्च भएको यो स्मार्टफोनले बजारमा अझै पनि प्रभाव जमाइरहेको देखिन्छ र चोथो त्रैमासिकमा यसले कूल मुनाफाको १.८ प्रतिशत हिस्सा ओगटेको छ ।

८.ग्यालेक्सी एस एट प्लसः कूल मुनाफामा १.७ प्रतिशत हिस्सेदारी सहित सामसुंगको ग्यालेक्सी एट प्लस धेरै नाफा कमाउने आठौँ स्मार्टफोनको रुपमा रहेको छ । यो गतवर्ष लञ्च भएको स्मार्टफोन हो ।

९. आइफोन सिक्स एसः सन् २०१५ मा लञ्च भएको आइफोन सिक्स एसले नबौँ स्थान कब्जा गर्न सफल भएको छ । सन् २०१७ को चौथो त्रैमासिकको तथ्यांक अनुसार विश्वको स्मार्टफोन उद्योगको कूल मुनाफाको १.६ प्रतिशत हिस्सेदारी यसको छ ।

१०. आइफोन एस इः एप्पलको सानो स्क्रिनवाला आइफोन एस इ विश्वको सबैभन्दा धेरै मुनाफा कमाउने टपटेन स्मार्टफोनभित्र आफुलाई पार्न सफल भएको छ । यसको मुनाफा हिस्सा ०.९ प्रतिशत रहेको छ ।

एजेन्सीको सहयोगमा

Related News

गायक द्रोण पराजुलीको विकासबादी संगीतको नयाँधार यस्तो छ,    लिरिकल भिडियो सहित, आउ प्रिय
गायक द्रोण पराजुलीको विकासबादी संगीतको नयाँधार यस्तो छ, लिरिकल भिडियो सहित, आउ प्रिय
  • १० बैशाख २०७५, सोमबार

सूचना प्रविधिको विकासमा करिव एक दशकदेखि सक्रिय सामाजिक अभियानता द्रोण पराजुलीले विकासबादी साहित्य प्रतिस्ठान मार्फत् विकासबादी संगीतको स्वाद ध्येय बोकेको...

अमेरिकी कंग्रेसमा गुगल प्रमुखलाई प्रश्नको बर्षा– ‘गुगलमा ‘इडियट’ सर्च गर्दा ट्रम्पको फोटो किन आउँछ ?’
अमेरिकी कंग्रेसमा गुगल प्रमुखलाई प्रश्नको बर्षा– ‘गुगलमा ‘इडियट’ सर्च गर्दा ट्रम्पको फोटो किन आउँछ ?’
  • १० बैशाख २०७५, सोमबार

एजेन्सी– गुगलको सर्च अल्गोरिदमले कसरी काम गर्छ भनेर बुझ्ने प्रयासमा एक डेमोक्रेटिक सांसदले उक्त कम्पनीका सीईओलाई एक साधरण प्रश्न सोधिन्,‘यदि...

स्मार्टफोनको स्टोरेज खाली गर्ने ५ टिप्स
स्मार्टफोनको स्टोरेज खाली गर्ने ५ टिप्स
  • १० बैशाख २०७५, सोमबार

आफ्नो स्मार्टफोनमा ‘स्टोरेज फुल’ भएको नोटिफिकेसन आउँदा आफ्नो फोनको स्टोरेज केले भरियो भन्ने कुरा हामी पत्तो पाइरहेकै हुँदैनौँ । मोबाइलमा...

TOP