१० बैशाख २०७८, शुक्रबार
April 23, 2021, Friday

यो सिजनको सगरमाथा आरोहण खुल्ला

यो सिजनको सगरमाथा आरोहण खुल्ला

आज एकैपटक ४० आरोहीले सगरमाथाको सफल आरोहण गरेका छन् ।

यस वर्षको आरोहण शुरु भएको आज दोस्रो दिन एकैपटक ४० आरोही विश्वकै सर्वोच्च शिखरमा पुगेका हुन् ।

सगरमाथा आधार शिविरमा रहनुभएका संस्कृति, पर्यटन तथा नागरिक उड्डयन मन्त्रालयका सम्पर्क अधिकृत ज्ञानेन्द्र श्रेष्ठका अनुसार स्वदेशी तथा विदेशी नागरिकले आरोहण सम्पन्न गरेका छन् ।

“हामीलाई प्राप्त जानकारीअनुसार ४० आरोहीले सर्वोच्च शिखरको आरोहण गरेको पुष्टि भएको छ, थप केही आरोही पनि शिखरमा पुगेको सूचना आए पनि पुष्टि भइसकेको छैन”, सम्पर्क अधिकृत श्रेष्ठले भन्नुभयो ।

अनुकूल मौसमको पर्खाइमा क्याम्प चारमा मात्रै १५० आरोही रहेका छन् । त्यस्तै केही आरोही भने सगरमाथा आधार शिविरमा नै रहेका छन् ।

दुवै खुट्टा नभएका चिनियाँ आरोही शिखरमा

सम्पर्क अधिकृत श्रेष्ठका अनुसार दुवै खुट्टा नभएका ७० वर्षीय चिनियाँ नागरिक सिए बोयोले आज बिहान सगरमाथाको शिखरमा पाइला टेक्नुभएको हो ।

इमाजिन टे«क्स एण्ड एस्पिडिसन प्रालिकातर्फबाट आरोहण गर्नुभएका चिनियाँ नागरिक विगत ४० वर्षदेखि सगरमाथाको आरोहण गर्ने प्रयासमा हुनुहुन्थ्यो । उहाँसँगै सात चिनियाँ आरोहीले आजै सफल आरोहण गर्नुभएको हो ।

चिनियाँ टोलीसँगै नेपाली शेर्पा आरोही ताम्तिङ शेर्पा, किली पेम्बा शेर्पा, आङ्छिरिङ शेर्पा, टेण्डी शेर्पा र दावा ग्याल्जेन शेर्पाले पनि आजै आरोहण गर्नुभएको छ ।

सन् २०१५ मा पनि आरोहणमा लागि पग्नुभएको बोयो भूकम्पका कारण आरोहण परित्याग गरी फर्कनुभएको थियो ।

शारीरिकरुपमा कमजोर भएका नागरिकले सगरमाथा आरोहण गरेको यो पाँचौँ उदाहरण हो । यसअघि न्यूजील्याण्डका मार्क इनलिसले तिब्बती मोहडाबाट सगरमाथाको आरोहण गर्नुभएको थियो ।

एकै मौसममा दुई आरोहणको कीर्तिमान

सम्पर्क अधिकृत श्रेष्ठका अनुसार यस ऋतुमा नेपाली महिला आरोही निमा जाङ्मु शेर्पाले सगरमाथा र ल्होत्सेको आरोहण गरेर कीर्तिमान कायम गर्नुभएको छ ।

शेर्पाले यही वैशाख १६ गते ल्होत्सेले सफल आरोहण गर्नुभएको थियो । उहाँले आजमात्रै सगरमाथाको आरोहण सम्पन्न गर्नुभएको हो ।

यस वर्ष चार नेपालीसहित ३८ आरोहण दलका ३६४ आरोही गन्तब्यतर्फ लागेका छन् । यसमध्ये चार समूहमा २० जना नेपाली छन् ।

अघिल्लो वर्षको वसन्त ऋतुमा ४३ वटा समूहका ३६६ स्वदेशी तथा विदेशी आरोहीले सगरमाथाको सफल आरोहण गरेका थिए । सन् २०१६ मा ३८ वटा समूहका ३०० भन्दाबढी आरोहीले सगरमाथाको चुचुरो चुमेका थिए ।

अहिले अनुकूल मौसमका लागि धेरै आरोही प्रतिक्षामा छन् । बेस क्याम्पभन्दा माथि २०० भन्दाबढी आरोही रहेको र आज राति झण्डै १५० आरोही चुचुरोमा पुग्ने अनुमान गरिएको सम्पर्क अधिकृत श्रेष्ठले जानकारी दिनुभयो ।

“धेरै आरोही सगरमाथाको चुचुरो नजिक क्याम्प ४ मा छन्, मौसम अनुकूल भए आज सगरमाथा आरोहणमा नयाँ कीर्तिमान कायम हुने सम्भावना छ”, उहाँले भन्नुभयो ।

आइतबार मात्रै शेर्पा आरोहीमा पासाङ तेञ्जिङ शेर्पा, पासदावा शेर्पा, लाक्पा तेन्डी शेर्पा, जीनजेन लामा, सिद्धिबहादुर तामाङ, पेम्बाछिरि शेर्पा, तेञ्जिङ ग्याल्जेन शेर्पा र डेटुक भोटे रहनुभएको थियो ।

हिमालयन गाइड नेपाल ट्रेक एण्ड एक्सपिडिसन प्रालिबाट गएका आठ शेर्पा चुचुरोमा पुगेका हुन् । गत वर्ष बाटोका कारण आरोहणमा केही ढिलाइ भए पनि यो वर्ष समयमै बाटो खुलेकाले आरोहण उत्साहपूर्ण रहने जनाएको छ ।रासस

Related News

इलाम विकास समाजको मिनी माइवेनी मेला काठमाण्डौमा यसरी मनाइयो
इलाम विकास समाजको मिनी माइवेनी मेला काठमाण्डौमा यसरी मनाइयो
  • १ जेष्ठ २०७५, मंगलवार

युटीभी समचारदाता, काठमाण्डौ, माघ १ इलाम विकास समाज (इविस) ले गत बर्षझै यसबर्षको माघे संक्रान्ति पनि विशेष रुपमा कार्यक्रमको आयोजना...

तेस्रो प्रस्तुति पर्यटन संगीतका साथ गायक द्रोण पराजुलीले ल्याए भ्रमण बर्ष २०२० गीत
तेस्रो प्रस्तुति पर्यटन संगीतका साथ गायक द्रोण पराजुलीले ल्याए भ्रमण बर्ष २०२० गीत
  • १ जेष्ठ २०७५, मंगलवार

मानिस स्वभावैले यथास्थितिमै रमाउँछ र बर्तमान अवस्थाबाट अर्को विकासको अवस्थामा फड्को मार्न इच्छा सवैलाई हुन्छ तर समाज, संगत र सोचको...

भक्तपुर मेलामा आज शिव हमाल ,मानसराज,पुर्खे बा लगायतको बिशेस प्रस्तुति
भक्तपुर मेलामा आज शिव हमाल ,मानसराज,पुर्खे बा लगायतको बिशेस प्रस्तुति
  • १ जेष्ठ २०७५, मंगलवार

तेजेन्द्रसमशेर ! गत २१ गते देखि संचालित पाचौ भक्तपुर औधोगिक,सास्कृतिक,पर्यटन तथा ब्यापार मेलामा आज चर्चित गायक शिव हमाल,गायक मानसराज ,हास्य...

TOP