१९ श्रावण २०७८, मंगलवार
August 3, 2021, Tuesday

अध्यागमनमा चलिरहेछ ‘नाइस टु मिट यु’

अध्यागमनमा चलिरहेछ ‘नाइस टु मिट यु’

काठमाडौं । ‘नाइस टु मिट यु’को नेपाली रुपान्तरण ‘तपाईंलाई भेट्दा खुसि लाग्यो’ हो । यो बाक्य कर्णप्रिय छ । कसैलाई पहिलो पटक भेट्दा ‘नाइस टु मिट यु’ भन्नु स्वभाविक पनि हुन्छ । तर, कालिकास्थान स्थित अध्यागमन विभागमा पुगेपछि अधिकांश पर्यटन व्यवसायी/गाइडले त्यहाँका कर्मचारीलाई ‘नाइस टु मिट यु’ भन्नै पर्छ । पहिलो भेटमा होइन, अक्सर गरेरपनि होइन, निरन्तर भेटेपिच्छे भनिरहनु पर्दो रहेछ । त्यहाँ त ‘नाइस टु मिट यु’को अर्थ ‘कमिशन दिउँला नि, काम छिटो गरिदिनुस्’ पो रहेछ । हो, ट्रेकिङ जाने पर्यटकहरुको लागि प्रवेशाज्ञा पत्र अर्थात परमिट पत्र बनाउन जाँदा  व्यवसायीले त्यहाँका कर्मचारीलाई यही ‘नाइस टु मिट यु’को मीठो भाकामा कमिशन दिनु पर्छ र प्रवेशाज्ञा पत्र बनाउनु पर्छ । लामो समयदेखि यही रोगले पीडित रहेका व्यवसायीको पीडा महेश सिंखडाको शब्दमा ।
म पेशाले पर्यटन व्यवसायी । विदेशी पर्यटकहरुलाई नेपालका रमणीय क्षेत्रहरुको भ्रमण गराउने र आफ्नो पेशा धान्ने अनि घरपरिवार चलाउने व्यक्ति । नेपालको प्राकृतिक सौन्दर्यता, यहाँको ऐतिहासिक तथा धार्मिक सम्पदाहरु देखेर विदेशी पर्यटकहरु पटकपटक नेपाल भ्रमणको लागि आउने गर्छन् । केही समय अघिको कुरा हो । अप्सरा टे«क (नाम परिवर्तन) मार्फत दुई जना अमेरिकन (देश परिवर्तन) पर्यटक कञ्चनजंघा क्षेत्रमा ट्रेकिङ जानको लागि आएका थिए । उनीहरु पदयात्रामा जानको लागि अनिवार्य रुपमा अनुमती पत्र अर्थात परमिट पत्र लिनु पर्छ । चाहे कञ्चनजंघा होस्, या मनास्लु, माथिल्लो डोल्पा र माथिल्लो मुस्ताङलगायतका ठाउँमा नै किन नहोस् । सो परमिट पर्यटन मन्त्रालय अन्तर्गत रहेको कालिकास्थान स्थित अध्यागमन विभागले मात्रै दिने गर्छ ।
ती दुई अमेरिकन पर्यटकको लागि म अध्यागमन विभागमा परिमिट लिन नौ बजे नै पुगें । केहीवेर कुरें– घडीले १० बजायो, कर्मचारीहरु आउने सुरै छैन । करिब ११ बजेपछि मात्रै कार्यालयमा पूरा रुपमा कर्मचारीहरु आइपुगे । कर्मचारीतन्त्र यस्तै हो भनेर चित्त बुझाएँ अनि कञ्चनजंघा क्षेत्रमा जानको लागि परमिट पत्र माग गरे । कञ्चनजंघा यात्रा मेरो लागि पहिलो थियो । त्यसैले होला त्यहाँका अधिकारीहरुले मलाई नयाँ ठाने । तर, अन्य धेरै पदयात्रामा म धेरै पटक गइसकेको छु । सायदः नौलो लागेर होला त्यहाँका कर्मचारीले फिस्स हाँस्दै परमिट पत्र दिए र यीयी सबै कागज पत्रहरु तयार पारेर फाइलमा राख्नुस् अनि लेराउनुस् भने । मैले पनि सोही अनुसार गर्दै गएँ । चाहिने सम्पूर्ण कागजपत्रहरु र पदयात्री पर्यटकको सक्कल राहदानी सहित दुई प्रति फोटो, अप्सरा टे«कका कागजपत्र, कर चुक्ता गरेको प्रमाणपत्र, विमा गरेको कागज अनि पदयात्रामा जाने दिनदेखि रुट समेत खुलाएर अनुमति पत्रको लागि निवेदन दिएँ । मैले यी सबै काम सक्दा दुई बज्न लागेको थियो । अध्यागमनका कर्मचारीले अब त खाजा खाने समय भयो, तीन बजे मात्र आउनुस् भने । अब मैले कुर्नुको अर्को विकल्प रहेन । कुरें एक घण्टा सम्म । तर, कर्मचारी ठीक समयमा के आउँथ्यो । साँढे तीन बजेपछि मात्रै कार्यालयमा फर्किए । उनी आएपछि पूरा विवरण सहित तयार पारेको परमिट पत्र र निवेदन पेस गरें । कुन कम्पनी हो भाइ भनेर सोधे । मैले सहजै अप्सरा ट्रेक भनिदिएँ । उनी कागजपत्र हेर्दै अनकनाउन थाले । अनि मेरो फाइल रोकिदिए । के भयो दाजु भनेर सोधें– जवाफ आएन । फेरी दोहो¥याएर सोधेपछि उनले मीठो बाक्य बोले– ‘नाइस टु मिट यु’ गरेको हो ? यो बाक्य मेरा लागि नौलो थिएन । यस अघिपनि धेरै पटक मैले सोही कर्मचारीलाई ‘नाइस टु मिट यु’ गरेको छु । अर्थात, कमिशन दिएको छु । उनीसँगै रहेको घर्रा ‘नाइस टु मिट यु’ गर्ने घर्रा हो । जुन घर्रामा परमिट लिन गएपछि हामीले केहीन केही रकम ‘नाइस टु मिट यु’ भन्दै दिनैपर्छ । मैले पनि एक हजारको नोट राखिदिए र परमिट पत्रमा उनले सहजै हस्ताक्षर गरिदिए । यसरी मैले परमिट पत्र लिएँ ।
परमिट पत्र लिन जाँदा मैले यसरी ‘नाइस टु मिट यु’ गरिन भने मैले परमिट पत्र पाउनको लागि एक हप्ता भन्दा बढी समय त्यो अध्यागमन विभागमा धाउनै पर्छ । सानो कागज पुगेन भनेर पनि फाइल रोकिदिन्छन् । तर, ‘नाइस टु मिट यु’ गरेपछि असम्भव पनि सम्भव भइदिन्छ । खासमा पर्यटकलाई एकल पदयात्रा निषेध गरिएको छ । तर, अध्यागमन विभागमा ‘नाइस टु मिट यु’ गरियो भने एकल पदयात्राका लागि पनि परमिट पाइन्छ । अहिले एकल पदयात्रा गरिरहेका दर्जनौं पर्यटकहरुलाई हामीले पदयात्राका क्रममा बाटोमा भेट्न सक्छौं । सामान्य कागजात नपुगेर त खासै फरक पर्दैन अध्यागमनमा । सबै काजगपत्रहरु ‘नाइस टु मिट यु’ले नै जुटाइदिन्छ । यो कस्तो अखडा हो जहाँ कमिशन विना कामै हुँदैन ? नयाँ व्यक्तिले त्यो विभागमा गएर परमिट लिनै सक्दैनन् । निश्चित समय लिएर आउने पर्यटकको भिसाको मिति सकिएला तर त्यो नयाँ व्यक्तिले सबै कागजपत्र पु¥याएर परमिट पत्र लिन सक्दैनन् । अनि ऊ बाध्य भएर ‘नाइस टु मिट यु’ गर्न पुग्छ । पुराना व्यक्तिहरुलाई सबै परिपाटी थाहा छ, कमिशन दिइएन भनेपनि काम हुन्छ भन्न सक्छ । तर, अप्ठेरो परेको वेला पर्यटकको भिसा सकिने गरेर फाइल रोकिदिन्छ । अनि पर्यटन व्यवसायीहरु तर्सेर पनि ‘नाइस टु मिट यु’ गर्न बाध्य छ । यो कमिशनको परिपाटी रोक्नको लागि सरकारले कडा नियम बनाउनु पर्छ । व्यवसायीलाई अनेक झमेला आउने गरि सरकारले नीति नियम बनाउन सक्छ तर, यस्ता घुसखोरीहरुलाई कारवाही गर्ने गरि नीति/आचार संहिता भने किन बनाउन सक्दैन ? अब अध्यागमन विभाग भित्र छिरेपछि हामीले कहिलेदेखि यसरी ‘नाइस टु मिट यु’ नभनी अर्थात कमिशन नदिइ काम गर्न सक्ने वातावरण बन्छ ? मेरो प्रश्न सरकार र सरोकार राख्ने निकायलाई ।

Related News

इलाम विकास समाजको मिनी माइवेनी मेला काठमाण्डौमा यसरी मनाइयो
इलाम विकास समाजको मिनी माइवेनी मेला काठमाण्डौमा यसरी मनाइयो
  • १४ मंसिर २०७४, बिहीबार

युटीभी समचारदाता, काठमाण्डौ, माघ १ इलाम विकास समाज (इविस) ले गत बर्षझै यसबर्षको माघे संक्रान्ति पनि विशेष रुपमा कार्यक्रमको आयोजना...

तेस्रो प्रस्तुति पर्यटन संगीतका साथ गायक द्रोण पराजुलीले ल्याए भ्रमण बर्ष २०२० गीत
तेस्रो प्रस्तुति पर्यटन संगीतका साथ गायक द्रोण पराजुलीले ल्याए भ्रमण बर्ष २०२० गीत
  • १४ मंसिर २०७४, बिहीबार

मानिस स्वभावैले यथास्थितिमै रमाउँछ र बर्तमान अवस्थाबाट अर्को विकासको अवस्थामा फड्को मार्न इच्छा सवैलाई हुन्छ तर समाज, संगत र सोचको...

भक्तपुर मेलामा आज शिव हमाल ,मानसराज,पुर्खे बा लगायतको बिशेस प्रस्तुति
भक्तपुर मेलामा आज शिव हमाल ,मानसराज,पुर्खे बा लगायतको बिशेस प्रस्तुति
  • १४ मंसिर २०७४, बिहीबार

तेजेन्द्रसमशेर ! गत २१ गते देखि संचालित पाचौ भक्तपुर औधोगिक,सास्कृतिक,पर्यटन तथा ब्यापार मेलामा आज चर्चित गायक शिव हमाल,गायक मानसराज ,हास्य...

TOP