१ कार्तिक २०७८, सोमबार
October 18, 2021, Monday

कम्युनिष्ट शासन आए सधैं त्रासमा बस्नुपर्छः प्रधानमन्त्री

कम्युनिष्ट शासन आए सधैं त्रासमा बस्नुपर्छः प्रधानमन्त्री
 १४ मंसिर, वीरगञ्ज । प्रधानमन्त्री शेरबहादुर देउवाले कम्युनिष्टको शासन आएमा सधैं डर र त्रासमा बस्नुपर्ने बताएका छन् । उनले कम्युष्टिले संविधान खारेज गरेर राष्ट्रपति शासन लाद्न खोजेको र एकदलीय शासन ल्याउन लागेको आरोपसमेत लगाए ।

वीरगञ्जमा बिहीबार आयोजित चुनावी सभामा बोल्दै कांग्रेसका सभापतिसमेत रहेका देउवाले कांग्रेसले मात्रै मधेसी जनताको चाहना अनुसार संविधान संशोधन गर्ने दावी गरे ।

रातो बंगाला परिसरमा पार्टीले गरेको चुुनावी सभामा प्रधानमन्त्री देउवाले भने, ‘ कम्युनिष्ट शासन भएको कुन देशमा बोल्न र लेख्न पाइन्छ ? कम्युनिष्ट शासन आयो भने बोल्न लेख्न पाइँदैन, सधैं डर र त्रासको माहोल हुन्छ । त्यति मात्रै होइन कम्युनिष्ट शासन आयो भने चुनाव नै हुन्न ।’

कम्युनिष्टको हातमा सत्ता सुम्पनु भनेको एकदलीय तानाशाही शासनलाई निम्ता दिनु भएको बताउँदै प्रधानमन्त्री देउवाले देश सम्पन्न बनाउन कांग्रेसले नै जित्नुपर्ने दाबी गरे । ‘देशको विकास गर्नका लागि विदेशी लगानी ल्याएर ठूला ठूला उद्योग धन्दा खोल्नुपर्छ, त्यसपछि रोजगारी सृजना हुन्छ र देश विकास र समृद्धिको दिशामा अघि बढ्छ ।’ प्रधानमन्त्रीले थपे ‘कम्युनिष्ट देशमा विदेशी लगानी आउँदैन, देश वर्वाद हुन्छ ।’ नेपाल र मधेसको मुहार फेर्नका लागि कांग्रेसले नै जित्नुपर्ने धारणा उनको छ ।

२००७ सालमा प्रजातन्त्र स्थापनाका लागि भएको आन्दोलनको उदगम स्थल वीरगञ्ज नै भएको बताउँदै प्रधानमन्त्री देउवाले कांग्रेसकै नेतृत्वमा क्रान्ति सफल भएको र नेपाली जनतालाई मालिक बनाउने पार्टी कांग्रेस भएकोले आफ्नो पार्टीले जित्नुपर्ने दाबी गरे ।

प्रधानमन्त्री देउवाले संविधानमा देखिएका कमीकमजोरी सुधारेर मधेसी जनताको चाहना र भावना अनुसार संविधान संशोधन गर्न एमालेले नमानेको आरोप लगाए ।

Related News

माईतीघर मण्डलामा १८ बर्षीय नुभिव उप्रेतीको हत्या प्रकरणका बारेमा शान्तीपुर्ण आन्दोलन तथा दिप प्रज्वलन
माईतीघर मण्डलामा १८ बर्षीय नुभिव उप्रेतीको हत्या प्रकरणका बारेमा शान्तीपुर्ण आन्दोलन तथा दिप प्रज्वलन
  • १४ मंसिर २०७४, बिहीबार

न्यायको लागि शान्तीपूर्ण आवाज तथा दिप प्रज्वलन आज साझ माईतीघर मण्डलामा १८ बर्षीय नुभिव उप्रेतीको हत्या प्रकरणका बारेमा शान्तीपुर्ण आन्दोलन...

तालिम तथा रोजगार व्यावसायी महासंघ(FPTEN)को महाधिवेसन सम्पन्न – केन्द्रिय​ अध्यक्षमा अच्युत नेपाल​ र​ बागमतिमा बद्रि प्रसाद दाहाल​
तालिम तथा रोजगार व्यावसायी महासंघ(FPTEN)को महाधिवेसन सम्पन्न – केन्द्रिय​ अध्यक्षमा अच्युत नेपाल​ र​ बागमतिमा बद्रि प्रसाद दाहाल​
  • १४ मंसिर २०७४, बिहीबार

काठमाडौ – नेपाल तालिम तथा रोजगार व्यावसायी महासंघ(FPTEN)को दोस्रो महाधिवेसन काठमाडौमा सम्पन्न भ​एको छ र अच्युत नेपालको नेतृत्वमा ३१ जनाको...

जनकलाल शर्मा स्मृति शतबार्षिकी भर्चुअल कार्यक्रम भव्यताका साथ सम्पन्न
जनकलाल शर्मा स्मृति शतबार्षिकी भर्चुअल कार्यक्रम भव्यताका साथ सम्पन्न
  • १४ मंसिर २०७४, बिहीबार

बैशाख १७, २०७८ इलाम, क्याबुङ, क्याबुङ विकास प्रतिष्ठानको आयोजना तथा नेपाल प्रज्ञा प्रतिष्ठानको सहकार्यमा जनकलाल शर्मा स्मृति शतवार्षिकी भर्चुअल कार्यक्रम...

TOP