१८ मंसिर २०७७, बिहीबार
December 3, 2020, Thursday

गायक सिताराम पोखरेलको एल्बम ‘अल्कोहोलिक लभ’ दलित बस्तीमा बिमोचन

गायक सिताराम पोखरेलको एल्बम ‘अल्कोहोलिक लभ’ दलित बस्तीमा बिमोचन

विराटनगर, १७ असोज । दलित बस्तीका बालबालिकाहरूसँग आफ्नो जन्मदिन मनाउँदै आधुनिक गायक सिताराम पोखरेलले आफ्नो सातौँ गीति एल्बम बिमोचन गरेका छन् । शुक्रबार विराटनगर महानगरपलिका–१६ दरैयास्थित ऋषिदेव बस्तीका बालबालिकाहरूसँग केक काटेर आफ्नो जन्मदिन मनाउँदै उनले सातौँ गीति एल्बम ‘अल्कोहोलिक लभ’ बिमोचन गरेका हुन् ।

दरैयाबस्तीको ऋषिदेव वस्तीमा रहेको बालकेन्द्र भवनमा ७५वर्षीय बलदेव ऋषिदेवलाई प्रमुख अतिथि बनाएर छोटो कार्यक्रम आयोजना गरी गायक पोखरेलले त्यही ‘वर्थडे केक’ काटेर जन्मदिन मनाएका थिए । उनले सबै बालबालिकाहरूलाई केक, चकलेट दिँदै कापीकलम पनि बाँडे र अन्त्यमा गीति एल्बम ‘अल्कोलिक लभ’ बिमोचन गरे । आफ्नो जन्मदिनको अवसरमा जन्म दिन मनाउन दलित बस्तीमा पुगेका गायक सितारामले बालकेन्द्रमा बिजुली बत्तिका लागि वायरिङ गरिदिने घोषणा पनि गरे ।

गरिब बस्तीमा आएर जन्मदिन मनाएको र बालकेन्द्रलाई सहयोग गरेको भन्दै विराटनगर महानगरका १६ नम्बर वडा अध्यक्ष मनोज सुब्बा, गायक रामानन्द मण्डल, हाँस्यकलाकार पारस थापा र बालकेन्द्रका स्वयंसेवक राजु क्षेत्रीलगायतले धन्यवाद दिए । बिमोचित एल्बम ‘अल्कोहोलिक लभ’ मा दुई वटा छायाङ्कनसहित छ वटा गीत छन् ।

पन्ध्र वर्षदेखि गरिबहरूसँगै जन्मदिन

गायक सितारामले कलाकारहरूले पनि वर्षमा एक दिन सकेको समाजसेवा गर्नुपर्छ भन्ने उद्देश्य लिएर १५ वर्षदेखि निरन्तर गरिब र असाहयहरूमाझ जन्मदिन मनाउदै आवश्यक गरेको बताए । उनले सबै कलाकारहरूले वर्षमा एक दिन समाजसेवामा योगदान दिन सके समाजको शैक्षिक स्तरबृद्धि गर्न गरिबी निवारण गर्न थोरै भएपनि सहयोग पुग्छ भने ।

नेपाल–भारत सीमा क्षेत्रमा रहेको उक्त्त ऋषिदेव बस्तीमा ४० घरपरिवार भूमीहिन बसोवास गर्छन् । उनीहरू सबै जनमजदूरी गरेर जीविका चलाउँछन् । यो बस्तीमा कक्षा ४ भन्दा धेरै पढने कोही बालबालिकाहरू छैनन् । यसैले यहाँ लायन्स क्लबले निर्माण गरिदिएको बालकेन्द्रमा स्थानीय अपांङगता भएका व्यक्ति राजु क्षेत्रीले निःशुल्क पढाउँदै आएका छन् ।

Related News

आयुर्वेद उद्योगलाई नयाँ उचाईमा पुर्याउन औषधी व्यवस्था विभाग र आयुर्वेद औषधि उत्पादक संघ बीच बिशेष छलफल
आयुर्वेद उद्योगलाई नयाँ उचाईमा पुर्याउन औषधी व्यवस्था विभाग र आयुर्वेद औषधि उत्पादक संघ बीच बिशेष छलफल
  • ७ कार्तिक २०७६, बिहीबार

 Namaraj Bhatta, Source: Healthnewsnepal काठमाडौं, २१ कार्तिक २०७७ नेपाल औषधि व्यवस्था विभाग र नेपाल आयुर्वेद औषधि उत्पादक संघ (AMPAN) बीच...

नेपाल तालिम तथा रोजगार व्यवसायी महासंघको आयोजनामा एक दिवसीय भर्चुअल प्रथम बागमती प्रदेश अधिवेसन आयोजना हुँदै
नेपाल तालिम तथा रोजगार व्यवसायी महासंघको आयोजनामा एक दिवसीय भर्चुअल प्रथम बागमती प्रदेश अधिवेसन आयोजना हुँदै
  • ७ कार्तिक २०७६, बिहीबार

यहि श्रावण ३१ गते शनिवार विहान ८ बजेबाट प्राविधिक र सीपमूलक जनशक्ति उत्पादन गर्दै तालिम र रोजगारका क्षेत्रमा दुई दशक...

मेरठ लिटरेचर फेस्टिवलको मुख्य सलाहकार समिति सदस्यमा  राधेश्याम लेकालीलाई मनोनयन
मेरठ लिटरेचर फेस्टिवलको मुख्य सलाहकार समिति सदस्यमा राधेश्याम लेकालीलाई मनोनयन
  • ७ कार्तिक २०७६, बिहीबार

अन्तर्राष्ट्रियस्तरमा साहित्यिक कार्यक्रमको आयोजना गर्दै आएको मेरठ लिटरेचर फेस्टिवलले फेस्टिवल आयोजनाको शीर्ष समिति मुख्य सलाहकार समिति सदस्यको रूपमा अन्तर्राष्ट्रिय नेपाली...

TOP