पुर्व एमालेबाट २४१ र पुर्व माओवादीबाट ८४ जना केन्द्रीय सदस्य तय

काठमाडौं-एमालेसँग एकता हुँदा तत्कालीन माओवादीको केन्द्रको भागमा २०० केन्द्रीय सदस्य परेका छन् ।

ती मध्ये ८४ जना तय भएका छन् ।

माओवादी केन्द्र हुँदा सचिवालयमा रहेका ८४ जना स्वत केन्द्रीय सदस्य हुनेछन् ।

त्यसबाहेक अन्य ११६ जना छान्ने काम जारी छ ।

तत्कालीन माओवादी केन्द्रले आज ११६ जनाको नाम टुंगाउने तयारी गरेको छ ।

एमालले भने केन्द्रीय सदस्यमा आउने नयाँ ४५ जनाको नाम टुंगाईसकेको छ ।

दुई पार्टीबीच यही जेठ ३ गते एकता भएको थियो ।

नेकपामा स्थायी कमिटीका ४५ जनामा तत्कालीन एमालेबाट २६ र माओवादीबाट १९ जना रहनेछन् ।

तत्कालीन एमालेबाट २४१ र माओवादीबाट २०० केन्द्रीय सदस्य मिलाएर नेकपाको ४४१ सदस्यीय केन्द्रीय कमिटी बनाउने अन्तिम तयारी छ ।

एमालेले ४५ र माओवादीले ११६ जनाको नाम टुंग्याइसकेपछि दुवै अध्यक्ष बसेर अन्तिम रूप दिने तयारी छ ।