२ कार्तिक २०७८, मंगलवार
October 19, 2021, Tuesday

पहिलो पटक डलरमा पीपीए हुनलागेको भोटेकोशी हाइड्रो यसरी बन्दैछ

पहिलो पटक डलरमा पीपीए हुनलागेको भोटेकोशी हाइड्रो यसरी बन्दैछ

काठमाडौं । एक सय २० मेगावाटको रसुवा-भोटेकोशी जलविद्युत आयोजना र नेपाल विद्युत प्राधिकरणबीच डलरमा विद्युत खरिद सम्झौता (पीपीए) भएको छ । प्राधिकरणले तयार पारेकोे निर्देशिकापछि भएको यो पहिलो डलर पीपीए हो ।

लाङटाङ भोटेकोशी जलविद्युत आयोजनाले निर्माण गर्न लागेको यो आयोजनामा करिब ९० प्रतिशत विदेशी लगानी रहने छ । ०६७ सालमा सर्वर्ेक्षण अनुमति पाएको आयोजनाले ०७१ मा निर्माणका लागि अनुमति पाएको हो ।

भोटेकोशी हाइड्रोपावर र चीनको सिचुवान कम्पनीको संयुक्त लगानीमा बन्न लागेको आयोजनाले वातावरणीय प्रभाव मूल्यांकन (ईआईए)को काम हालै सकेको छ । सम्भाव्यता अध्ययन सकेर डीपीआर निर्माणको चरणमा रहेको कम्पनीका निर्देशक दिपक खड्काले जानकारी दिए ।

२२ अर्ब लागतमा बन्न लागेको उक्त आयोजना निर्माणस्थल रसुवाको स्याफ्रुबेंसीनजिक पर्छ । प्राधिकरणको निर्देशिकामा एक सय मेगावाटभन्दा ठूला आयोजनामा मात्र डलर पीपीए हुने उल्लेख छ ।

विदेशी लगानी र सय मेगावाटभन्दा ठूलो रहेकाले डलरमा पीपीए गरिएको प्राधिकरणका प्रवक्ता प्रवल अधिकारीले जानकारी दिए ।

आयोजनाका निर्देशक खड्काका अनुसार सुक्खायाममा प्रतियुनिट आठ रुपैयाँ ४० पैसा र वर्षायाममा प्रतियुनिट चार रुपैयाँ ८० पैसामा विद्युत खरिद गर्ने सम्झौता भएको छ । १६ मंसिरदेखि १५ जेठसम्मलाई सुख्खा र १६ जेठदेखि १५ मंसिरसम्मलाई वर्षायाम मान्ने गरिन्छ ।

राष्ट्र बैंकले गत बिहीबार तोकेको डलरको सटही मूल्यलाई आधार मानिने सम्झौतामा उल्लेख छ ।

आगामी साढे चार वर्षभित्रमा निर्माण सक्ने कम्पनीको योजना छ । निर्देशक खड्काले भने, ‘पाँचदेखि ६ महिनापछि निर्माण थाल्ने छौं । अहिले फाइनान्सियल क्लोजरको तयारी गर्दै छौं ।’

‘डलर पीपीए निर्देशिका’मा विदेशी लगानीमा निर्माण हुने आयोजनामा लगानी संरचनाको सीमा पनि निश्चित गरिएको छ । यस्ता आयोजनामा स्वपुँजी (इक्विटी) को अंश २० प्रतिशतभन्दा कम र ऋणको अंश अधिकतम ८० प्रतिशत हुनुपर्ने व्यवस्था छ ।

प्राधिकरणका अनुसार यस आयोजनाबाट उत्पादित बिजुलीको बिल नेपाली रुपैयाँमा आउने छ । त्यसलाई पीपीए गर्दा स्थिर राखिएको विनिमय दरले गणना गरी डलरमा भुक्तानी दिइने छ ।

डलरमा पीपीए गर्दा विनिमय जोखिम बेहोर्न कोष स्थापना गरिने निर्देशिकामा उल्लेख छ । तर, के कस्तो कोष बनाउने भन्नेबारे प्राधिकरणको आसन्न बोर्ड बैठकले टुंगो लगाउने भएको छ ।

नेपाली मुद्रा कमजोर बनेर डलरमा बिल भुक्तानी गर्दा प्राधिकरणको वित्तीय स्वास्थ्यमा पर्ने जोखिम कम गर्न त्यस्तो कोष स्थापनाको प्रस्ताव गरिएको हो । विद्युत खरिदकर्ता र लगानीकर्ता दुवैलाई मारमा पर्न नदिन विभिन्न मुलुकले त्यस्तो कोष बनाउने गरेका छन् ।

निर्देशिकाअनुसार अधिकतम १० वर्ष वा व्यावसायिक विद्युत उत्पादनको शुरु दिन (सीओडी)देखि ऋण चुक्ता अवधि (पेब्याक पिरियड) सम्मका लागि मात्रै डलरमा पीपीए हुनेछ । उक्त अवधि सकिएपछि बाँकी पीपीए अवधिभर सबै रकम नेपाली रुपैयाँमा भुक्तानी हुने व्यवस्था छ ।

Source: Onlinekhabar

Related News

माईतीघर मण्डलामा १८ बर्षीय नुभिव उप्रेतीको हत्या प्रकरणका बारेमा शान्तीपुर्ण आन्दोलन तथा दिप प्रज्वलन
माईतीघर मण्डलामा १८ बर्षीय नुभिव उप्रेतीको हत्या प्रकरणका बारेमा शान्तीपुर्ण आन्दोलन तथा दिप प्रज्वलन
  • १२ पुष २०७४, बुधबार

न्यायको लागि शान्तीपूर्ण आवाज तथा दिप प्रज्वलन आज साझ माईतीघर मण्डलामा १८ बर्षीय नुभिव उप्रेतीको हत्या प्रकरणका बारेमा शान्तीपुर्ण आन्दोलन...

तालिम तथा रोजगार व्यावसायी महासंघ(FPTEN)को महाधिवेसन सम्पन्न – केन्द्रिय​ अध्यक्षमा अच्युत नेपाल​ र​ बागमतिमा बद्रि प्रसाद दाहाल​
तालिम तथा रोजगार व्यावसायी महासंघ(FPTEN)को महाधिवेसन सम्पन्न – केन्द्रिय​ अध्यक्षमा अच्युत नेपाल​ र​ बागमतिमा बद्रि प्रसाद दाहाल​
  • १२ पुष २०७४, बुधबार

काठमाडौ – नेपाल तालिम तथा रोजगार व्यावसायी महासंघ(FPTEN)को दोस्रो महाधिवेसन काठमाडौमा सम्पन्न भ​एको छ र अच्युत नेपालको नेतृत्वमा ३१ जनाको...

जनकलाल शर्मा स्मृति शतबार्षिकी भर्चुअल कार्यक्रम भव्यताका साथ सम्पन्न
जनकलाल शर्मा स्मृति शतबार्षिकी भर्चुअल कार्यक्रम भव्यताका साथ सम्पन्न
  • १२ पुष २०७४, बुधबार

बैशाख १७, २०७८ इलाम, क्याबुङ, क्याबुङ विकास प्रतिष्ठानको आयोजना तथा नेपाल प्रज्ञा प्रतिष्ठानको सहकार्यमा जनकलाल शर्मा स्मृति शतवार्षिकी भर्चुअल कार्यक्रम...

TOP