१९ श्रावण २०७८, मंगलवार
August 3, 2021, Tuesday

भारतको कारण प्याजको मूल्य आकाशियो

भारतको कारण प्याजको मूल्य आकाशियो

१४ मंसिर, काठमाडौं । गत शुक्रवार कालिमाटी तरकारी तथा फलफूल बजारमा प्रतिकिलो ८५ रुपैयाँमा प्याज खरिद गरेका उपभोक्ताले त्यसको भोलिपल्टै ११५ रुपैयाँ तिरे । त्यसयता मंगलबार फेरि प्याजको भाउ बढेर प्रतिकिलो १२५ रुपैयाँ पुगेको छ ।
यो कालिमाटी तरकारी बजारभित्रको भाउ हो । बजारमा त अहिले प्याजको भाउ प्रतिकिलो १५० रुपैयाँसम्म पुगेको छ । एक महिनाअघि प्रतिकिलो ७५ रुपैयाँसम्ममा प्याजको खरिद -विक्री हुन्थ्यो ।

एक्कासी आकाशिएको तरकारीको मूल्य घटेपछि हौसिएका उपभोक्तामा फेरि निराशा छाएको छ ।

मंसिर ७ गते भारत सरकारले प्याजको निर्यातमा कडाइ गरेपछि नेपालमा त्यसको प्रभाव परेको हो । नेपालमा करीव ९५ प्रतिशत प्याज भारतबाटै आयात हुन्छ ।

प्याजको उत्पादन घटेर आन्तरिक बजारमा मूल्य आकाशिन थालेपछि आन्तरिक बजारमा आपूर्ति बढाउन र नियन्त्रण गर्न भारत सरकारले निर्यातमा अंकुश लगाएको छ ।

भारतमा अहिले प्याजको मूल्य दुई वर्षयताकै उच्च विन्दूमा पुगेको छ । भारतले आफ्ना छिमेकी मुलुक नेपाल, पाकिस्तान, भुटानदेखि खाडी मुलुकसम्म ठूलो परिमाणमा प्याज निर्यात गर्छ ।

यसअघि निर्यातमा पनि खुला मूल्य कायम भएकामा प्याजको प्रतिटन न्यूनतम निर्यात मूल्य ८ सय ५० डलर (करीव ८७ हजार ५ सय नेपाली रुपैयाँ) तय गरिएको छ । न्यूनतम निर्यात मूल्य कायम भएपछि भारतबाट प्याज आयात गर्दा प्रतिकिलो ३० देखि ३२ रुपैयाँसम्मले महंगो परेको नेपाल फलफूल तथा तरकारी व्यवसायी महासंघका महासचिव भरत खतिवडा बताउँछन् ।

विदेश व्यापार महानिर्देशनालय (डीजीएफटी) का अनुसार प्याजको यस्तो न्यूनतम निर्यात मूल्य १६ पुस (३१ डिसेम्बर) सम्म कायम रहनेछ ।

व्यवसायी भन्छन् – भाउ अझै बढ्छ

व्यवसायीहरू भने प्याजको भाउ अझै बढ्ने चेतावनी दिएका छन् । व्यवसायीका अनुसार भारतमै अहिले प्रतिकिलो प्याजको मूल्य ५५ रुपैयाँ आइसी पर्छ । ‘भारतमै महंगो परेपछि न्यूनतम निर्यात मूल्यको बढेको शूल्क र ढुवानी जोड्दा यहाँ ल्याउँदा थप महंगो पर्न गएको हो,’ महासंघका अध्यक्ष खोमप्रसाद घिमिरेले भने । उनका अनुसार अहिले भारतमै प्याजको भाउ शतप्रतिशतसम्म बढेको छ ।

दुई महिनाअघिदेखि नै भारतमा प्याजको मूल्य बढ्न थालेको हो । दुई महिनाअघि भारतबाट प्रतिकिलो ३५ देखि ४० रुपैयाँ आइसीमा व्यवसायीले प्याज आयात गर्थे । न्यूनतम मूल्य कायम भएपछि अहिले प्याजको भाउ ४० प्रतिशतसम्म बढेको महासंघ बताउँछ । व्यवसायीले अहिले भारतबाटै प्रतिटन ८० हजार रुपैयाँमा प्याज खरिद गरिरहेका छन् । व्यवसायीले भारतका नासिक, इन्दौर, कानपुर, चण्डीगढ लगायतका क्षेत्रबाट प्याज आयात गर्छ ।

व्यवसायीका अनुसार भारतले पछिल्लो समय फेरि निर्यातमा असहजता थपेको छ । पहिले खुलारुपमा ल्याउन सकिने स्थिति रहेकामा केही दिनयता प्रतितपत्र -एलसी) खोलेरमात्र प्याज निर्यात गर्ने बाध्यकारी व्यवस्था ल्याएको छ । ‘अहिले भन्सारमा प्रतितपत्रबाटमात्रै आयात गर्ने व्यवस्थाले झन्झट थपेको छ,’ एक व्यवसायीले भने ।

नेपालमा गोदामको व्यवस्था नहुँदा पनि संकट आउनेवित्तिकै हाहाकार हुने अवस्था आएको व्यवसायी बताउँछन् ।\
साभारः अनलाइनखबर

Related News

जनकलाल शर्मा स्मृति शतबार्षिकी भर्चुअल कार्यक्रम भव्यताका साथ सम्पन्न
जनकलाल शर्मा स्मृति शतबार्षिकी भर्चुअल कार्यक्रम भव्यताका साथ सम्पन्न
  • १४ मंसिर २०७४, बिहीबार

बैशाख १७, २०७८ इलाम, क्याबुङ, क्याबुङ विकास प्रतिष्ठानको आयोजना तथा नेपाल प्रज्ञा प्रतिष्ठानको सहकार्यमा जनकलाल शर्मा स्मृति शतवार्षिकी भर्चुअल कार्यक्रम...

नेपाल तालिम तथा रोजगार व्यवसायी महासंघको आयोजनामा एक दिवसीय भर्चुअल प्रथम बागमती प्रदेश अधिवेसन आयोजना हुँदै
नेपाल तालिम तथा रोजगार व्यवसायी महासंघको आयोजनामा एक दिवसीय भर्चुअल प्रथम बागमती प्रदेश अधिवेसन आयोजना हुँदै
  • १४ मंसिर २०७४, बिहीबार

यहि श्रावण ३१ गते शनिवार विहान ८ बजेबाट प्राविधिक र सीपमूलक जनशक्ति उत्पादन गर्दै तालिम र रोजगारका क्षेत्रमा दुई दशक...

कसरी हाम्रो कृषि क्षेत्र राज्यबाट उपेक्षित छ ? कृषि उद्यमीको अनुभव
कसरी हाम्रो कृषि क्षेत्र राज्यबाट उपेक्षित छ ? कृषि उद्यमीको अनुभव
  • १४ मंसिर २०७४, बिहीबार

डा.  खेम राज भट्टराई, बोटनिस्ट / कृषि उद्यमीदेश चलाउन उच्च ओहोदामा रहेका व्यक्तिहरूमा उच्च इच्छा शक्ती, नैतिक मूल्य, कौशलता,सकारात्मक सोच...

TOP