९ बैशाख २०७८, बिहीबार
April 22, 2021, Thursday

२०१७ मा विश्वका धनाढ्यहरुको सम्पती कती पुग्यो ?

२०१७ मा विश्वका धनाढ्यहरुको सम्पती कती पुग्यो ?

सन् २०१७ मा विश्वका सबैभन्दा धनी अर्वपतिहरुले कुल १० खर्ब डलर सम्पत्ति थप गरेका छन् । यस वर्ष आफ्नो सम्पत्ति सबैभन्दा धेरै बढाउनेमा अमेजनका मालिक जेफ बेजोस पहिलो नम्बरमा छन् ।

ब्लुम्बर्गले सार्वजनिक गरेको पछिल्लो रिपोर्ट अनुसार विश्वका सबैभन्दा धनी ५ सय अर्बपतिहरुको गत वर्षको कुल सम्पत्ति ४० खर्ब ४० अर्ब रहेकोमा यो वर्ष ५० खर्ब ३० अर्ब डलर पुगेको छ । उनीहरुको कुल सम्पत्तिमा सन् २०१६ मा भएको वृद्धिभन्दा सन् २०१७ मा भएको वृद्धि ४ गुणा बढि हो ।

अमेजन कम्पनीको शेयर मूल्यमा भएको व्यापक वृद्धिसँगै यसका मालिक जेफ बेजोसको कुल सम्पत्ति ३४ अर्ब २० करोडले बढ्नेमात्र होइन, उनी बिल गेट्सलाई पछि पार्दै विश्वकै सबैभन्दा धनी व्यक्ति बन्न पुगे । त्यस्तै उनी १ खर्ब डलर सम्पत्ति हुने विश्वको पहिलो र एकमात्र व्यक्ति बन्न पनि सफल भए । हालचाहीँ उनको सम्पत्ति केही घटेर ९९ अर्ब ६० करोड रहेको छ ।

त्यस्तै सन् २०१३ देखि लगातार पहिलो नम्बरमा रहेर यो वर्ष दोश्रो नम्बरमा धकेलिएका माइक्रोसफ्ट संस्थापक बिल गेट्सले पनि यो वर्ष आफ्नो कुल सम्पत्तिमा ८ अर्ब ८९ करोड डलर वृद्धि गर्न सफल भए । आफ्नो सम्पत्तिको ठूलो हिस्सा च्यारिटीमा दान गर्दा पनि उनको अहिलेको सम्पत्ति ९१ अर्ब ३० करोड डलर रहेको छ ।

तर यो वर्ष सबैभन्दा धेरै कमाउनेमा अमेजनका बेजोस पछाडि चिनिया प्रोपर्टी डेभलपर हुई का यान छन् । उनले गत वर्षभन्दा आफ्नो सम्पत्तिमा ३ सय ५० प्रतिशतले वृद्धि गरे । यो वर्ष उनले आफ्नो सम्पत्ति २५ अर्ब ९० करोड डलरले थप गरे ।

त्यस्तै फ्रेन्च व्यापारी बर्नार्ड आर्नोल्टले आफ्नो सम्पत्ति २३ अर्ब ६० करोड डलरले वृद्धि गर्न सफल भए ।

फेसबुक संस्थापक मार्क जुकरबर्गले सन् २०१७ मा आफ्नो कुल सम्पत्तिमा २२ अर्ब ६० करोड डलर थप गर्दै धेरै सम्पत्ति जोड्नेमा चौथो स्थानमा रहेका छन् । उनले आफ्नो कुल सम्पत्ति ७२ अर्ब ६० करोड डलर पूराएका छन् ।

ब्लुम्बर्गको रिपोर्ट अनुसार यो वर्ष सबैभन्दा धेरै सम्पत्ति जोड्नेमा अमेरिकी अर्बपतिहरु अगाडि छन् । अमेरिकाका १५९ जना अर्वपतिले कुल ३ खर्ब १५ अर्ब डलर सम्पत्ति थप गरेका छन् ।

त्यस्तै ३८ जना चिनिया अर्बपतिहरुले सन् २०१७ मा कुल १ खर्ब ७७ अर्ब डलर सम्पत्ति थप गरे भने २७ जना रुसी अर्बपतिले २९ अर्ब डलर सम्पत्ति थपेका छन् ।
रिपोर्ट अनुसार प्रविधि जगतका ५७ जना अर्बपतिहरुले गरी आफ्नो सम्पत्तिमा कुल २ खर्ब ६२ अर्ब डलर थप गरेका छन् । जुन गत वर्षभन्दा ३५ प्रतिशत बढि हो ।

समग्रमा विश्वका सबैभन्दा धनी ५ सय व्यक्तिमध्ये ४ सय अर्वपतिले यो वर्ष सम्पत्ति थप गर्न सफल भएका छन् । एजेन्सी

Related News

धन्वन्तरी जयन्ती एवं राष्ट्रिय आरोग्य दिवस ललितपुर आयुर्वेदमा यसरी मनाईयो
धन्वन्तरी जयन्ती एवं राष्ट्रिय आरोग्य दिवस ललितपुर आयुर्वेदमा यसरी मनाईयो
  • १४ पुष २०७४, शुक्रबार

सामाजिक विकास मन्त्रालय, प्रदेश सरकार, स्वास्थ्य निर्देशनालय,जिल्ला आयुर्वेद स्वास्थ्य केन्द्र, ताल्छिखेल, ललितपुरका तथा निजी आयुर्वेद कम्पनीहरुको संयुक्त सहभागितामा धन्वन्तरी जयन्ती...

गायक द्रोण पराजुलीको विकासबादी संगीतको नयाँधार यस्तो छ,    लिरिकल भिडियो सहित, आउ प्रिय
गायक द्रोण पराजुलीको विकासबादी संगीतको नयाँधार यस्तो छ, लिरिकल भिडियो सहित, आउ प्रिय
  • १४ पुष २०७४, शुक्रबार

सूचना प्रविधिको विकासमा करिव एक दशकदेखि सक्रिय सामाजिक अभियानता द्रोण पराजुलीले विकासबादी साहित्य प्रतिस्ठान मार्फत् विकासबादी संगीतको स्वाद ध्येय बोकेको...

यस्ता छन् विवाह सम्बन्धका आठ शैलीहरु
यस्ता छन् विवाह सम्बन्धका आठ शैलीहरु
  • १४ पुष २०७४, शुक्रबार

विवाहको प्रचलन प्राणीहरूमध्ये मानिसमा मात्रै छ । यो प्राचीन कालदेखि चलिआएको एउटा संस्कार हो । विश्वकै पहिलो लिखित ग्रन्थ मानिने...

TOP