१ कार्तिक २०७८, सोमबार
October 18, 2021, Monday

किन लिए ब्राजिलियन लिजेण्ड काकाले फुटबलबाट सन्यास ? कारण यस्तो

किन लिए ब्राजिलियन लिजेण्ड काकाले फुटबलबाट सन्यास ? कारण यस्तो

ब्राजिलियन फुटबल लिजेण्ड रिकार्डो काकाले फुटबलबाट सन्यास लिएका छन् । प्लेमेकर काकाले आइतबार राति सोसियल साइट ट्वीटरबाट सबैखाले फुटबलबाट सन्यासको घोषणा गरेका हुन् ।

ब्राजिलियन विश्वकप विजेता सदस्य काकाले सन्यासको घोषणा गर्दै अब आफु अर्को यात्राको लागि तयार रहेको बताएका छन् । ३५ बर्षिय काकाले फुटबलबाट सन्यासको घोषणा गर्दै ट्वीटरमा लेखेका छन् , “बुबा, यो मैले कहिल्यै कल्पना गरेभन्दा धेरै बढी थियो । धन्यवाद, अब म अर्को यात्राको लागि तयार छु ।”

विश्वकप विजेता टोलीका सदस्य काकाले ब्राजिलबाट ९२ खेल खेल्दै २९ गोल गरेका थिए । ब्राजिलले दक्षिण कोरिया र जापानमा भएको सन् २००२ को विश्वकप जित्दा काका टोलीका मुख्य सदस्य रहेका थिए । यस्तै ब्रजिलले दुई पटक अन्तरमहादेशीय कप फुटबलको उपाधि जित्दा काका टोलीमा रहेका थिए ।

ब्राजिलियन क्लब साउ पोउलोबाट क्लब फुटबल सुरु गरेका काकाले इटालियन क्लब एसी मिलान र स्पेनिस क्लब रियल मड्रिडबाट समेत खेलेका छन् । सन् २००३ मा साउ पोउलोबाट एसी मिलान आएका काकाले २००९ बाट २०१३ सम्म रियल मड्रिडबाट खेलेका थिए । त्यसपछि काका पुन एसी मिलान फर्किएका थिए ।

अट्याकिङ मिडफिल्डर काका बालोन डी ओर विजेता खेलाडी हुन् । काकाले सन् २००७ यो अवार्ड जितेका थिए । त्यसयता क्रिस्टियानो रोनाल्डो र लियोनल मेस्सीले यो अवार्ड जित्दै आएका छन् । काकाले आफ्नो करियरमा च्याम्पियन्स लिग, यूएफा सुपर कप, फिफा क्लब विश्वकप, इटालियन सिरी ए, स्पेनिस ला लिगा र स्पेनिस सुपर कप जितेका छन् ।

काका पछिल्लो समय अमेरिकाको उच्च डिभिजन लिग मेजर सकर लिगको ओर्लान्डो सिटिबाट ब्यबसायीक फुटबल खेल्दै आएका थिए । काका सन् २०१४ मा इटालियन क्लब एसी मिलानबाट ओर्लान्डो सिटि गएका थिए । एजेन्सी

Related News

चितवनमा मंसिर २०,२१ र २२ गते अन्तर विद्यालय एथ्लेटिक्स २०७५ आयोजना हुदै
चितवनमा मंसिर २०,२१ र २२ गते अन्तर विद्यालय एथ्लेटिक्स २०७५ आयोजना हुदै
  • ३ पुष २०७४, सोमबार

चितवनकै उत्कृष्ट विद्यालय मध्येको एक स्मल हेभन स्कूल कल्याणपुरले जिल्ला भरिका सबै विद्यालयलाई निमन्त्रणा गरी ८औँ अन्तर—विद्यालय स्तरीय एथ्लेटिक्स प्रतियोगिता...

हामीलाई ठूलो राहत मिल्योः मेस्सी
हामीलाई ठूलो राहत मिल्योः मेस्सी
  • ३ पुष २०७४, सोमबार

लिओनल मेस्सी भन्छन्, उनलाई यसअघि यस्तो पीडा भएको याद छैन । जबकी प्रशिक्षक जर्ज साम्पाओलीलाई ठूलो राहत मिलेको छ किनकी...

कसले जित्ला गोल्डेन बुट ?
कसले जित्ला गोल्डेन बुट ?
  • ३ पुष २०७४, सोमबार

फिफा विश्वकपमा कपमा सबैभन्दा धेरै गोल गर्ने खेलाडीलाई गोल्डेन बुटको अवार्ड दिने गरिएको छ। यो अवार्डका लागि विश्वभरका स्टार खेलाडीबीच...

TOP