१४ मंसिर २०७८, मंगलवार
November 30, 2021, Tuesday

मेक्सीकोले जित्दा मेक्सीको सिटीमा भुकम्प गयो

मेक्सीकोले जित्दा मेक्सीको सिटीमा भुकम्प गयो

विश्वकपको आफ्नो शुरुवाती खेलमा मेक्सिकोका हिरभिङ्ग लोजानोले जर्मनविरुद्ध गोल गरेपछि मेक्सिकन फुटबल फ्यानहरुले खुसी रोक्न सकेनन् ।

खेलको ३५ औँ मिनेटमा लोजानोले हानेको बलले नेट छाएपछि टिमका प्रशंसकहरुहरु खुसीमा उफ्रिए ।

तर, के केही मिडियाहरुले भने जस्तै यो खुसी मनाउँदा मेक्सिकोमा भूकम्पनै आएको थियो त ?

मेक्सिकोको इन्स्चिच्युट अफ गियोलोजी एण्ड एटमोस्फेरिक इन्भेष्टिगेसनले गरेको ट्वीटले यस्तै बुझिन्छ ।

भूकम्पिय क्रियाकलाप निगरानी गर्ने इन्स्चिच्युटले गरेको ट्वीटमा यस्तो लेखिएको छ : “रसियामा भइरहेको विश्वकप २०१८ मा मेक्सिकन टिमले जर्मनी विरुद्ध गरेको गोलमा खुसी मनाउदा मेक्सिको सिटीमा कृत्रिम भूकम्प महसुस । ”

यहाँ दिइएको सिस्मोग्राफको तस्वीरमा गोल भएको समयलाई रातो आयातकारमा दिइएको छ । यसले सिस्मोमिटरमा नजिकै कम्पन देखाँउछ ।
खासमा के भएको थियो ?

इन्स्चिच्युटले खुसी मनाइरहेको फ्यानहरुको नजिक रहेको दुई सिस्मोमिटरले जमिनको कम्पन मापन गरेको पुष्टि ग¥यो । कम्पन डिफेन्डिङ्ग च्याम्पिएन विरुद्ध गोल भएको लगतै मापन गरिएको थियो ।

“खेलको ३५ मिनेट ७ सेकेण्डमा मेक्सिकन टिमले गोल हान्यो । यही क्षणमा हाम्रो अनुगमन संयन्त्रले एक सिस्मिक हलचल मापन गरेको छ । मेक्सिको सिटीमा रहेका कम्तिमा दुई सेन्सरले ३७ मिटर प्रति वर्ग सेकेण्डको कम्पन मापन गरेको छ । यो हलचल सम्भवत ठूलो उत्सवले निम्त्याएको हुनुपर्छ,” इन्स्चिच्युटले गरेको ट्वीटसँगै दिइएको एक ब्लग पोष्टको लिङ्कमा भनिएको छ ।

इन्स्चिच्युटले यस्तो घटना त्यति ठूलो नहुने उल्लेख गरेको छ ।

यसले उत्सव मनाइरहेको भीडको नजिक रहेको संबेदनशील उपकरणले मात्र यो घटनालाई पहिचान गरेको भनेको छ ।

फ्यानहरु भेला भएका मध्य एक प्रमुखस्थलमा मेक्सिको सिटीको इन्डिपेण्डेन्स स्ट्याचु थियो । हलचल मापन गरेको एक सिस्मोमिटर यो चोकबाट धेरै टाढा छैन ।

के यो भूकम्प नै थियो त ?

एक ब्लगमा इन्स्चिच्युट अफ जियोलोजिकल एण्ड एट्मोस्फेरिक इन्भेस्टिगेसनले यस्तो घटना साधारण जनसङ्ख्याले महसुस गर्न नसक्ने स्पष्ट पारेको छ ।

“यस्ता घटनाहरुलाई म्याग्निच्युटमा मापन गर्न सकिँदैन । त्यही कारणले यसलाई भूकम्प भनिदैन । र यदी त्यो भूकम्पनै हो भने पनि त्यो सँगसँगै ‘कृत्रिम’ भन्ने शब्द पनि जोड्नुपर्छ जसले गर्दा यो भौगर्भिक घटना होइन भनेर देखाउँछ ,” ब्लगले विस्तारमा भनेको छ ।

के यस्तो पहिले पनि भएको थियो ?
हो ।
सन् १९८८ मा अमेकिरिकाको लुजियाना स्टेट युनिभरसिटी र ओबर्न विश्वविद्यालयबीचको कलेज अमेरिकन फुटबल खेललाई ‘भूकम्पीय खेल’ नाम दिइएको छ ।

खेलको अन्तिम मिनेटतिर लुजियाना स्टेट युनिभरसिटीले बललाई विपक्षीको पोष्ट पारी पु¥याएपछि टाइगर स्टेडियममा रहेका फ्यानहरु यस्तो उमङ्मा उफ्रिए की नजिकै रहेको विश्वविद्यालयको भूवैज्ञानिक भवनमा रहेको एक सिस्मोमिटरमा कम्पन मापन गरिएको थियो ।

हालसालै पनि सन् २०१६ मा लिचेस्टर सिटीले अन्तिम समयतिर नर्विचविरुद्ध गोल गरेपछि फ्यानहरुले एक कम्पन उत्पन्न गराएका थिए ।

मेक्सिको सिटी र लुजियाना स्टेट युनिभरसिटीको सन्दर्भमा जस्तै यो कम्पन पनि उत्साव मनाइरहेका फ्यानहरु नजिकै रहेको सिस्मोमिटरमा मापन भएको थियो ।


एजेन्सी

Related News

सात वर्षको उमेरमा बुबा गुमाएका बुमराह यसरी बने विश्व चर्चित बलर
सात वर्षको उमेरमा बुबा गुमाएका बुमराह यसरी बने विश्व चर्चित बलर
  • ५ असार २०७५, मंगलवार

अन्तर्राष्ट्रिय क्रिकेटमा चर्चित नाम हो, जसप्रित बुमराह। उनको बाल्यकालको नाम जसप्रित जसवीर सिंह बुमराह हो। ६ डिसेम्बर १९९३ मा अहमदाबादमा...

चितवनमा मंसिर २०,२१ र २२ गते अन्तर विद्यालय एथ्लेटिक्स २०७५ आयोजना हुदै
चितवनमा मंसिर २०,२१ र २२ गते अन्तर विद्यालय एथ्लेटिक्स २०७५ आयोजना हुदै
  • ५ असार २०७५, मंगलवार

चितवनकै उत्कृष्ट विद्यालय मध्येको एक स्मल हेभन स्कूल कल्याणपुरले जिल्ला भरिका सबै विद्यालयलाई निमन्त्रणा गरी ८औँ अन्तर—विद्यालय स्तरीय एथ्लेटिक्स प्रतियोगिता...

हामीलाई ठूलो राहत मिल्योः मेस्सी
हामीलाई ठूलो राहत मिल्योः मेस्सी
  • ५ असार २०७५, मंगलवार

लिओनल मेस्सी भन्छन्, उनलाई यसअघि यस्तो पीडा भएको याद छैन । जबकी प्रशिक्षक जर्ज साम्पाओलीलाई ठूलो राहत मिलेको छ किनकी...

TOP