१७ श्रावण २०७८, आईतवार
August 1, 2021, Sunday

‘डेथ सर्टिफिकेट’ बनाउँदै गर्दा ‘शव’ ब्युझिएपछि..

‘डेथ सर्टिफिकेट’ बनाउँदै गर्दा ‘शव’ ब्युझिएपछि..

अस्पतालले मृत घोषणा गरेको व्यक्ति जिउदै छ भन्दा तपाईलाई चमत्कार नै लाग्न सक्छ । मृत भनेर शववहान झिकाएर घाट लान तयारी गरिरहेको ‘शव’मा धड्कन चलेको जब थाहा हुन्छ तब माहोल बेग्लै भइदिन्छ । त्यसमा पनि आफनो श्रीमानको मृत्युको खबरले छेउमै बेहोस भएर ढलेकी श्रीमतीलाई श्रीमान् जिउँदै छन् भन्दा कस्तो महसुस भयो भन्ने अनुमान मात्र गर्न सकिन्छ ।

यस्तै भइदियो इटहरी उप–महानगरपालिका–१९ बस्ने ३२ बर्षिय ईन्द्र गिरीको यो घटनाक्रममा । गत ३ गते गिरीले झुण्डिएर आत्महत्या गर्ने प्रयास गरेका थिए । तर परिवारले समयमै जानकारी पाएपछि धरान स्थित विपी कोइराला स्वास्थ्य बिज्ञान प्रतिष्ठानमा उपचारको लागी पुराइएका गिरी अन्तिम अबस्थामा थिए । अस्पताल पुराउँदा अन्तिम ‘ढुकढुकी’ मात्र रहेका गिरीलाई आईसियुको अभावमा धरानबाट बिराटनगरस्थित लाईफ गार्डमा रेफर गरी उपचार शुरु गरियो ।

तर, अस्पतालले एक रातको उपचार पछि गिरीको मृत्यु भएको घोषणा गरिदियो । अस्पतालले ‘डेथ सर्टिफिकेट’ बनाउँदै गर्दा एक डाक्टरले अचानक उनको ‘पल्स’ चलिरहेको भनेपछि फेरी उनलाई चिकित्सको सल्लाह अनुरुप बिराटनगरकै नोबेल मेडिकल कलेजमा रेफर गरियो । नोबेलका बिशेषज्ञ चिकित्सको परामर्शबाट गिरीको उपचार शुरु भयो । क्रमशः चमत्कारीक रुपमा उनको अबस्थामा सुधार देखियो ।

श्रीमानको मृत्युको खबरले बेहोस भएकी उनकी श्रीमती चन्द्रा गिरीको अनुहारमा अहिले बेग्लै खुशी छ । घाट पुराउन लागेको आफनो श्रीमानको स्वास्थ्यमा सुधार आएपछि उनको खुशी शब्दमा व्यक्त गर्न सकिरहेकी छैनन् ।

यसमा तरुण दल सुनसरीका अध्यक्ष समेत रहेका सिजन गुरुङको पनि ठूलो योगदान रहेको छ । गुरुङले आफनौ टोलमा परेको यस्तो विपतमा खेलेको भूमिका प्रति स्थानियले प्रशंसा गरेका छन् । आर्थिक अबस्था कमजोर भएका गिरीको उपचारको लागी सम्पूर्ण उपचार खर्च गुरुङले बेहोरेका छन् भने चिकित्सकसँग परामर्श लगायत सबै कार्य उनले निभाएका थिए ।

‘खर्चभन्दा पनि मरेको भनिएको मान्छे अहिले जिउँदो भएको छ, त्यो नै ठुलो धर्म हो,’ गुरुङले भने, ‘यसमा नै सन्तुष्टि छ ।’

गिरीलाई अबका दिनमा स्वरोजगार बन्नको लागी आफुले सहयोग पनि गर्ने उनले बताए ।

गिरीकी श्रीमती चन्द्राले अनुसार गुरुङको सहयोग भगवान समान भएको बताइन् । अहिले उपचार पछि श्रीमान् खाना खान थालेको र बुधबार मात्र घर ल्याइएको चन्द्राले जानकारी दिइन् । चन्द्रा श्रीमानलाई हेदैँ भन्छिन्, ‘सपना जस्तो महसुश भइरहेको छ अझै ।’

Related News

जनकलाल शर्मा स्मृति शतबार्षिकी भर्चुअल कार्यक्रम भव्यताका साथ सम्पन्न
जनकलाल शर्मा स्मृति शतबार्षिकी भर्चुअल कार्यक्रम भव्यताका साथ सम्पन्न
  • ७ पुष २०७४, शुक्रबार

बैशाख १७, २०७८ इलाम, क्याबुङ, क्याबुङ विकास प्रतिष्ठानको आयोजना तथा नेपाल प्रज्ञा प्रतिष्ठानको सहकार्यमा जनकलाल शर्मा स्मृति शतवार्षिकी भर्चुअल कार्यक्रम...

मेरठ लिटरेचर फेस्टिवलको मुख्य सलाहकार समिति सदस्यमा  राधेश्याम लेकालीलाई मनोनयन
मेरठ लिटरेचर फेस्टिवलको मुख्य सलाहकार समिति सदस्यमा राधेश्याम लेकालीलाई मनोनयन
  • ७ पुष २०७४, शुक्रबार

अन्तर्राष्ट्रियस्तरमा साहित्यिक कार्यक्रमको आयोजना गर्दै आएको मेरठ लिटरेचर फेस्टिवलले फेस्टिवल आयोजनाको शीर्ष समिति मुख्य सलाहकार समिति सदस्यको रूपमा अन्तर्राष्ट्रिय नेपाली...

कोरोना चपेटामा विश्व परेका बेला मलम लगाउन इलामका स्रस्टा ज्ञानेन्द्र गदालको  कोराना विदारक गीत “अदृश्य एउटा युद्ध”
कोरोना चपेटामा विश्व परेका बेला मलम लगाउन इलामका स्रस्टा ज्ञानेन्द्र गदालको कोराना विदारक गीत “अदृश्य एउटा युद्ध”
  • ७ पुष २०७४, शुक्रबार

कोलोराडो । मातृ भुमी नेपाल लगायत विश्वको दुईसय भन्दा बढी देशमा महामारीका् रुपमा फैलिएको कोरना भाईरस बारे जनचेतना बढाउने उद्धेश्यले...

TOP