१७ मंसिर २०७८, शुक्रबार
December 3, 2021, Friday

मनाङका स्याउ कृषक बने प्रतिनिधीसभा सदस्य

मनाङका स्याउ कृषक बने प्रतिनिधीसभा सदस्य

एमालेका पोल्देन छोपाङ गुरुङ कांग्रेस नेता तथा पूर्वमन्त्री टेकबहादुर गुरुङलाई पराजित गर्दै प्रतिनिधिसभा सदस्यमा निर्वाचित भए । पोल्देनले २ हजार ३ सय मतका साथ विजय सुरक्षित गर्दा कांग्रेसका टेकबहादुर २ हजार २१ मतमा रोकिए ।
को हुन् पोल्देन ?

मनाङबाट प्रतिनिधिसभा सदस्य निर्वाचित भएका पोल्देन छोपाङ गुरुङ पेशेवर राजनीतिकर्मी होइनन् । ०७० सालको संविधानसभा निर्वाचनपछि एमालेमा प्रवेश गरेका पोल्देन मनाङका स्याउ कृषक हुन् ।

उनले एशियाकै उत्कृष्ट स्याउ फारम चलाएर मनाङमा ख्याती कमाएका छन् । होटल व्यवसाय समेत गर्ने पोल्देन पार्टीका जिल्ला अध्यक्ष पनि हुन् । यसपटक उनका भाइ त्रिपल पी गुरुङले टिकट पाउने चर्चा थियो, तर टेकबहादुरलाई हराउन भाइले दाइलाई अघि सारे ।

चुनावको केही समयअघि ठमेलका मर्स्याङ्दी होटलमा भेटिएका पोल्देनले आफू राजनीतिक कार्यकर्ताभन्दा पनि कृषक र व्यवसायी भएको बताएका थिए । मनाङमा टेकबहादुर गुरुङको ‘शासन’ ढाल्न आफूहरु एमाले भएको बताएका थिए उनले ।

यस्तो छ मनाङको चुनावी इतिहास

संसदीय चुनावको इतिहासमै रेकर्ड राख्ने जिल्ला पनि मनाङ हो । ०५६ सालको आम निर्वाचनमा कांग्रेसका पाल्तेन गुरुङ निर्विरोध निर्वाचित भएको रेकर्ड अहिलेसम्म कसैले तोड्न सकेको छैन । ०६४ सालको पहिलो संविधानसभालाई अपवाद मान्ने हो भने मनाङमा कांग्रेसले सधैं जित्दै आएको छ ।

०४८, ०५१ र ०५६ का संसदीय चुनावमा एमालेले मनाङमा उम्मेदवार पनि पाएको थिएन । ०६४ को पहिलो संविधानसभा चुनावमा एमालेले पहिलोपटक मनाङमा उम्मेदवार उठाएको थियो, जसले ४७ भोट पायो ।

०७० सालको दोस्रो संविधानसभा चुनावमा एमालेको मत ४७ बाट बढेर ८० पुग्यो । तर ०७० को चुनावको ८० भोट ०७४ को स्थानीय चुनावमा आउँदा बढेर १३ सय कटाउन सफल भएको एमाले प्रतिनिसभा र प्रदेशसभा निर्वाचनमा आउँदा विजयको इतिहास रच्न सफल भयो ।

०७० सालको चुनावमा कांग्रेसका टेकबहादुर गुरुङसँग ३ सय मत अन्तरमा पराजित राप्रपाका त्रिपल पी गुरुङको समूह नै एमाले प्रवेश गर्‍यो । मनाङमा त्रिपल पी र उनका दाजु पोल्देन छोपाङ गुरुङहरुले एमालेको नेतृत्व गरे । यसमा टेकबहादुर गुरुङबाट पीडित भएका कांग्रेसहरु पनि सहभागी भए ।

यसको परिणाम वैशाखमा सम्पन्न स्थानीय चुनावमा देखियो । जिल्लाका ४ स्थानीय तहमध्ये २ वटामा एमालेले जितेपछि कांग्रेसको परम्परागत गढ तोडियो । एमालेले सदरमुकाम चामे र सबैभन्दा धेरै मतदाता रहेको नेस्याङ गाउँपालिका जितेर जिल्लाको सबैभन्दा ठूलो दल बन्यो ।

 

Related News

राष्ट्रपतिबाट संसद् बैठक आह्वान
राष्ट्रपतिबाट संसद् बैठक आह्वान
  • २२ मंसिर २०७४, शुक्रबार

राष्ट्रपति विद्यादेवी भण्डारीले यही मङ्सिर २८ गते मङ्गलबार दिउँसो २ बजे अन्तर्राष्ट्रिय सम्मेलन केन्द्र, नयाँबानेश्वरमा सङ्घीय संसद्को दुवै सदनको बैठक...

पर्यटक आगमनमा झिनो सुधार : ११ महीनामा एक लाख २६ हजार २८३ जनाले गरे नेपाल भ्रमण
पर्यटक आगमनमा झिनो सुधार : ११ महीनामा एक लाख २६ हजार २८३ जनाले गरे नेपाल भ्रमण
  • २२ मंसिर २०७४, शुक्रबार

सन् २०२१ को ११ महीनामा एक लाख २६ हजारभन्दा बढी बाह्य पर्यटक नेपाल भित्रिएका छन् । नेपाल पर्यटन बोर्डले उपलब्ध...

बाला चतुर्दशीका अबसरमा पशुपति क्षेत्र भीड
बाला चतुर्दशीका अबसरमा पशुपति क्षेत्र भीड
  • २२ मंसिर २०७४, शुक्रबार

चतुर्दशी मेलाका लागि पशुपति क्षेत्रको सुरक्षा व्यवस्था कडा पारिएको छ ।आज राति पशुपतिनाथ मूल मन्दिर प्राङ्गणमा दिवङ्गत पितृका नाममा महादीपदान...

TOP