अब कहिले तोकीएला प्रदेश राजधानी र प्रदेश प्रमुख
२ माघ २०७४, मंगलवारप्रदेशको अस्थायी राजधानी र प्रदेश प्रमुख तोक्नका लागि बस्ने भनिएको मन्त्रिपरिषदको बैठक बुधबारसम्मका लागि स्थगित भएको छ ।
मंगलबार दिउँसो बस्ने गरी तय गरिएको मन्त्रिपरिषद् बैठक बुधबार बिहानसम्मका लागि स्थगित भएको प्रधानमन्त्री तथा मन्त्रिपरिषद्को कार्यालयले जानकारी दिएको छ ।
दुई वाम दल र निर्वाचन आयोगले प्रदेशको अस्थायी राजधानी र प्रदेश प्रमुखको विवाद टुंगो लगाउने निर्णय लिन दबाब दिइरहेका बेला मन्त्रिपरिषद बैठक नै स्थगित भएको हो ।
मंगलबार बिहान डाकिएको बैठक अन्य दलहरुसँग सहमति जुटाउने भन्दै अपरान्ह ४ बजेसम्म्का लागि सारेर अन्तिममा स्थगित गरिएको हो ।
प्रदेशको राजधानी र प्रदेश प्रमुख तोक्ने जस्तो गम्भीर विषयमा अन्य दलहरुसँग सहमति जुटाउन मन्त्रिपरिषद् स्थगित गरिएको मन्त्रिपरिषद् स्रोतले जानकारी दिएको छ ।
प्रदेश प्रमुख र अस्थायी राजधानीको जारी विवाद राजनीतिक दलहरुसँगग सहमबिाटै टुंग्याउन भन्दै मन्त्रिपरिषद् स्थगित गरिएको एकजना मन्त्रीले बताएका छन् ।
annapurnapost